Íslenska bútasaumsfélagið

Tækifæriskort - samkeppni Íslenska bútasaumsfélagsins

Í tilefni 10 ára afmæli félagsins á næsta ári verður efnt til samkeppni með þemanu "Tækifæriskort" og er skráningarfrestur til 10 júní 2010.   Keppnisreglur og skráningarblað eru birtar hér.  Nánari kynning verður að finna í fréttablaðinu sem er í vinnslu hjá Ritnefnd og prentsmiðjunni.   Á félagsfundi félagsins 30. september næstkomandi verður einnig nánari kynning.

Samkeppni fyrir börn

Að venju er haldin samkeppni 5-16 ára barna í Birmingham í ágúst 2010.  Viðfangsefnið að þessu sinni er borgarlandslag.   Samkvæmt keppnisreglum verður tilkynning um þátttöku að hafa boris til Erlu fyrir 21 maí 2010. 

Samkeppni 2010 - The Festival of Quilts

 

Birtum hér keppnisreglur vegna bútasaumshátíðarinar í Birmingham á næsta ári. 

Hafið - sumarsýning í Víkinni

 Sumarsýning Íslenska bútasaumsfélagsins var opnuð í dag og þá var tilkynnt um verðlaunahafa í samkeppni félagsins, Hafinu.   Svava K. Egilson hlaut fyrstu verðlaun fyrir verkið Sjávarstemming.   Vertíð eftir Birnu Baldursdóttur varð í öðru sæti og Öldur eftir Eygló Friðriksdóttur hlaut þriðja sætið.
Sýninginn stendur til ágústloka og því hvetjum við áhugasama um að láta þessa glæsilegu sýningu ekki fram hjá sér fara.  Sýningarnefnd félagsins fær sérstakar þakkir fyrir hennar framlag svo og allir þátttakendur í samkeppninni.  Að beiðni nefndarinnar verða myndir af verkunum ekki birtar að sinni á síðunni.

Súkkulaðisýki - Ítölsk samkeppni

Ítalir bjóða félögum Íslenska bútasaumsfélagsins að taka þátt í samkeppni - "Mad for Chocolate" en skráningafrestur í keppnina er 5 júni næstkomandi.

Frekari upplýsingar um keppnina má lesa hér ásamt skráningar eyðublaði.

NQT samkeppnin - "Að byggja brýr"

Við minnum á samkeppni NQT - Norrænu bútasaumshátíðarinnar í Gautaborg 2009 - "Að byggja brýr"

Enn er góður tími til stefnu því skilafrestur er til 1. mars 2009. Hins vegar viljum við minna á að frestur til að tilkynna þátttöku rennur út 1. nóvember 2008. Þátttökutilkynning er ekki bindandi, þannig að ef einhver gengur með góða hugmynd í maganum en er ekki ennþá viss um hvort hún verður að veruleika, þá er ekkert því til fyrirstöðu að skrá sig.

Þátttakendur fá síðan senda rukkun fyrir þátttöku- og skráningargjaldinu (SEK 250) sem greiðist fyrir 10. janúar 2009.

Smellið hér til að lesa meira um þátttökureglur og nálgast þátttökuseðil.

HAFIÐ - Samkeppni Íslenska bútasaumsfélagsins og vorsýning 2009

Íslenska bútasaumsfélagið boðar til samkeppni í tengslum við vorsýningu félagsins 2009.

Þema sýningarinnar að þessu sinni er hafið og allt sem því tengist. Gert er ráð fyrir að blár litur sé í öllum verkum. Sérstök athygli er vakin á breidd og lengd sem gefur kost á fjölbreyttari stærðum. Vonandi taka sem flestir félagsmenn þátt í að skapa glæsilega vorsýningu.

Smellið hér til að lesa meira...