Íslenska bútasaumsfélagið

Samsýning EQA í Birmingham 2010

 
Á næstu bútasaumssýningu í Birmingham í ágúst 2010 þarf Íslenska bútasaumsfélagið leggja fram níu verk að stærðinni 40x40 cm í Túrkis lit en aðrir litir mega ekki vera meira en 10% af heildarverkinu.   Nú hafa verið samdar sameiginlegar reglur fyrir þessa samsýningu.   Þeir sem hafa áhuga að taka þátt í þessu verkefni eru beðnir um að hafa samband við Erlu.  Ef fleiri en 9 verk berast verður skipuð dómnefnd sem velur sýningarverkin. 

Afmælishátíð Ungverska bútasaumsfélagsins

Í tilefni af 20 ára afmæli Ungverska bútasaumsfélagsins efnir félagið til hátíðar í nóvember sem lesa má um á heimasíðu þeirra.

Alþjóðlegur bútasaumsdagur

 

Efnt verður til alþjóðlegs bútasaumsdags laugardaginn 20 júní næstkomandi.  Þá ætla bútasaumskonur og menn að fjölmenna á opinberum vettvangi með handverk sitt.   Þátttaka í þessu verkefni vekur athygli á bútasaumi og Íslenska bútasaumsfélaginu.   Ein hugmynd af mörgum er að hittast í Sjóminjasafninu Víkinni.  Hópar og eða einstaklingar sem hafa áhuga á að taka þátt í bútasaumdeginu eru beðnir að hafa samband við undirritaða svo hægt sé að setja upplýsingarnar um stað á stund á síðunna. Vonandi geta sem flestir tekið þátt, Erla.

Fréttir af evrópusamstarfi

Íslenska bútasaumsfélagið hefur nú móttekið þriðju ferðatöskuna með 17 teppum með þemanu Heitt og kalt.  Teppin verða sett upp á næsta félagsfundi þann 29 október.  Félagsmenn geta fengið töskuna lánaða til sýninga samkvæmt samkomulagi við Erlu.  Í lok ágúst koma öll íslensku teppin heim og verða síðan í framhaldi af því skilað til eigenda sinna.

Nýverið tókum við einnig á móti 170 verkum með þemanu Landið mitt frá öllum aðildarlöndum EQA... meira

Evrópsku bútasaumssamtökin, EQA

Evrópsku bútasaumssamtökin - European Quilt Association (EQA)

EQA var stofnað 1989 í Oxford á Englandi af 9 evrópuþjóðum og á seinni árum fylgdu fleiri þjóðir í kjölfarið. Reglur og markmið EQA voru ákveðin á fyrsta árlega fundi sem haldin var í Bern í Sviss árið 1990.

Markmið EQA er að kom bútasaumsfólki í Evrópu saman til að kynnast hvert öðru og skiptast á þekkingu og leikni. Nú eru um það bil 61.500 meðlimir í EQA.

Íslenska bútasaumsfélagið fékk inngöngu í EQA árið 2005 og af því tilefni fór formaður ÍB á fund EQA sem haldin var í tengslum við The Festival of Quilt en þetta er í þriðja sinn sem sú hátíð er haldin. Twistedthread stendur fyrir The Festival of Quilts og býður öllum fulltrúum EQA að taka þátt í hátíðinni og greiðir fyrir gistingu og uppihald.

Með aðild fáum við eintök af öllum félagsblöðum aðildarfélaganna.

Það er mikilvægt fyrir okkur að vera félagar í EQA þar sem við fáum stuðning og greiðari aðgang að upplýsingum um það sem er að gerast í bútasaumsheiminum t.d. sýningar, námskeið og þ.h.

Heimasíða EQA: www.eqa.ch (til stendur að uppfæra heimasíðu EQA)

Fundargerð: EQA fundur 18. ágúst 2007

Erla Sigurðardóttir, formaður félagsins fór í ágúst til Birmingham sem fulltrúi Íslensku bútasaumssamtakanna en samtökin eru ein sautján samtaka sem mynda Evrópsku bútasaumssamtökin, EQA. Smellið hér til að lesa fundargerð