Íslenska bútasaumsfélagið

Heimsóknir Íslenska bútasaumsfélgsins á handverks- og prjónakaffi

Á næstu vikum munu félagsmenn Íslenska bútasaumsfélagsins heimsækja eftirfarandi handverks- og prjónakaffi:

• 23 febrúar - miðvikudagur. Handverkskaffi í Neskirkju.
• 3. mars - miðvikudagur. Handverkskaffi Gerðubergs.
• 4. mars - finntudagur. Handverkskaffi Heimilisiðnaðarfélag Íslands í Amokka Hlíðarsmára.

Vonumst við að þessar heimsóknir veiti fleiri innsýn í bútasaum og veki áhuga fleiri til þess að glíma við handverkið.

Póstkort

Fyrir þá sem vilja spreyta sig á að sauma póstkort má finna leiðbeiningar á netinu.   Gaman væri að sjá afraksturinn á félagsfundum á komandi mánuðum!   Sömu tækni má að sjálfsögðu nota til að skapa tækifæriskort fyrir afmælissamkeppni félagsins sem auglýst var í síðasta Fréttablaði.

Erla.

Rósir frá hjartanu.

Til að heiðra minningu 25.566 sakfeldra kvenna sem fluttar voru nauðugar til Ástralíu og stuðluð að velferð þjóðarinnar er stefnt að því að búa til húfu (e. bonnet) fyrir hverja konu.   Yfir 25.000 þáttakendur í þessu verkefni tengir saman afkomendur þeirra og miðlar sögu þessara saka kvenna til nýrra kynslóða.

Þú getur hjálpað listakonunni Christina Henri við þetta verkefni en hér er hægt að fá snið auk þess að lesa nánar um þetta einstaka verkefni.  Í ágúst verða 13.000 húfur sýndar á bútasaumssýningu í Birmingham.

Erla.

Afmælisteppi Íslenska bútasaumsfélagsins

Í haust fékk félagið batikefni að gjöf frá félagsmönnum sínum.   Í tilefni af 10 ára afmæli félagsins í ár var Afmælisteppi saumað af Margréti Árnadóttur og það stungið af Sæunni Thorarensen.  Fyrir 500 krónur er hægt að freista gæfunar og eiga möguleika á því að eignast þetta glæsilega teppi.   Hægt verður að taka þátt fram til 17. september næstkomandi og verða miðar í boði á öllum viðburðum félagsins fram að þeim tíma.   Einnig er hægt að hafa samband við gjaldkera félagsins sem bætir nafni ykkar í lukkupottin gegn greiðslu.

 

Félagsfundur, fimmtudagskvöldið 28. janúar kl. 19.30

• Fræðsluerindi um þræði, Selma Gísladóttir frá Pfaff
• Sagt frá Festival of Quilts í Birmingham 2009 í máli og myndum, Erla Sigurðardóttir
• Kynning á EQA og verkefnum ársins
• Sýning á verkum norðurlandanna með þemanu fögnuður
• Handverk félagsmanna, fundarmenn sýna og segja frá

Sérstök athygli er vakin á að félagsfundurinn er á fimmtudagskvöldið 28 janúar í stað miðvikudagskvölds eins og venja er.

Nýárskveðja, stjórnin

Greeting card

To celecbrate its 10-year anniversary, The Icelandic Patchwork an Quilting Association anounces a compitions that will be held in the fall of 2010.   The theme is "Greeting card" size A4.   The entries will be displayd durng the birthday festivities September 10th - 19th, 2010.   Members of EQA are invited to participte.

Félagsfundur - miðvikudagskvöldið 25. nóvember kl.19.30

• Guðfinna í Virku kemur kynnir vörur sínar.
• Samkeppni bjálkakofadúkar (e. Log Cabin).
• Félagar eru hvattir til að mæta með verk unnin með bjálkakofa aðferðinni, jólalöbera og annað jólaskraut til að skreyta borði.
• Góður gestur mætir og sýnir okkur handverk sitt.
• Jólaefnishappadrætti - feitir fjórðungar. Dregið verður úr nöfnum þeirra sem taka þátt.

Sjáumt, stjórnin.

Frá sýningarnefnd - Log Cabin/bjálkakofa dúkar

 

Kæru félagsmenn.  Á félagsfundi miðvikudaginn 28. október spunnust umræður um Log Cabin / bjálkakofa dúk sem sýningarnefnd hvetur félagsmenn til að sauma fyrir jólafundinn 25. nóvember næstkomandi.   Rétt er að taka fram að dúkurinn þarf alls ekki að vera ferhyrndur, en hann þarf að vera að lágmarki 60 cm og hámark 100 cm.

Í Fréttabréfi Íslenska bútasaumsfélagsins, 2. tbl, 9 árgangur 2009, sem kom út núna í haust er að finna á bls 28 og 29 nokkrar útgáfur af Log Cabin mynstrinu sem hefur verði þýtt bjálkakofi á íslensku.

Ef Log Cabin er slegið er inn í leitarvél koma upp óteljandi útfærslur á hvernig megi sauma bjálkakofa.  Hér er dæmi um síðu er skýrir vel hvernig á að sauma bjálkakofann. 

Nánari upplýsingar um frágang og skilafrest er að finna í meðfylgjandi auglýsingu sem einnig var birt í Fréttablaðinu nú í haust.
Sýningarnefndin.

Opið bréf til félagsmanna Íslenska bútasaumsfélagsins

Ágætu félagsmenn.  Á liðnum árum hefur Íslenska bútasaumsfélagið tekið þátt í samstarfi norrænna bútasaumsfélaga sem efnir á þriggja ára fresti til hátíðar undir nafninu Nordisk Quilt Træf.   Markmið NQT er að skapa sameiginlegan vettvang fyrir sýningar félaganna, efna til samkeppni meðal félagsmanna sinna og miðla fræðslu til þátttakenda.  Að auki er ýmsum söluaðilum gefin kostur á að mæta og selja vörur og þjónustu.

Stjórn Íslenska bútasaumsfélagsins hefur tekið ákvörðun um að hætta þessu samstarfi við norrænu bútasaumsfélögin en fyrir því eru nokkrar ástæður;

• Aðeins lítil hluti félagsmanna Íslenska bútasaumsfélagsins hefur tök á því að taka þátt í NQT.
• Til þess að samstarfið sé mögulegt þarf félagið að hafa tvo starfandi fulltrúa sem bæði eru talandi og skrifandi á ensku og einu norðurlandamáli. Þeir verða að vera reiðubúnir til að starfa næstu sex árin.
• Viðburður sem þessi krefst mikilar vinnu fulltrúa aðildarfélaganna sem öll er unnin í sjálfboðavinnu.
• Samstarfið kallar á ferðalög á milli landa en árlega eru haldnir vinnufundir, en hvert félag greiðir útlagðan kostnað þegar hann fellur til.
• Til að standa straum af kostnaði allra norrænu félaganna við NQT er meðal annars efnti til happadrættis og þannig er stefnt að því að tekjur standi undir öllum kostnaði. Félagið hefði þurft að greiða kostnað vegna samstarfsins á næstu þremur árum áður en mögulegar tekjur skiluðu sér til baka.
• Samstarfsfundur fyrir næstu NQT hátíð verður haldi 16 október næstkomandi þar sem félögin skipta með sér verkum fyrir næstu misseri. Ekki þótti rétt að draga að taka ákvörðun um brotthvarf félagsins á þessum tímapunkt.

Til fróðleiks birtum við einnig bréf  sem sent var fulltrúum norrænu bútasaumsfélaganna.

Fyrir hönd stjórnar, Erla Sigurðardóttir, formaður.

Samsýning EQA í Birmingham 2010

 
Á næstu bútasaumssýningu í Birmingham í ágúst 2010 þarf Íslenska bútasaumsfélagið leggja fram níu verk að stærðinni 40x40 cm í Túrkis lit en aðrir litir mega ekki vera meira en 10% af heildarverkinu.   Nú hafa verið samdar sameiginlegar reglur fyrir þessa samsýningu.   Þeir sem hafa áhuga að taka þátt í þessu verkefni eru beðnir um að hafa samband við Erlu.  Ef fleiri en 9 verk berast verður skipuð dómnefnd sem velur sýningarverkin.